बुलडाणा, (जिमाका) दि. 22: 21 व्या पंचवार्षिक पशुगणनेस येत्या 25 नोव्हेंबरपासून प्रारंभ होणार आहे. या मोहिमेत गाय वर्ग, म्हैस वर्ग, शेळी-मेंढी, अश्व, वराह, कुक्कूट अशा 16 प्रजातीच्या जाती, लिंग व वय निहाय गणना करण्यात येणार आहे. पशुगणना करणाऱ्या प्रगणकांना जिल्ह्यातील नागरिकांनी सर्वतोपरी सहकार्य करण्याचे आवाहन मुख्य कार्यकारी अधिकारी गुलाबराव खरात यांनी केले आहे.
पशुसंवर्धन व दुग्धव्यवसाय विभागामार्फत दर 5 वर्षांनी राज्यातील पशुधनाची गणना करण्यात येते.सदर पशुगणना दि.25 नोव्हेंबर 2024 ते 28 फेब्रुवारी 2025 पर्यंत पूर्ण करण्याच्या केंद्र शासनाच्या सूचना आहेत.त्यानुसार जिल्ह्यातील सर्व पशुसंवर्धन अधिकारी व कर्मचारी यांना सविस्तर सूचना व प्रशिक्षण देण्यात आले असून पशुगणनेसाठी नागरी भागाकरीता प्रती 4 हजार कुटुंबामागे 1 प्रगणक व 10 प्रगणका मागे 1 पर्यवेक्षक तर ग्रामीण भागाकरिता प्रती 3 हजार कुटुंबामागे 1 प्रगणक व प्रति 5 प्रगणकामागे 1 पर्यवेक्षक याप्रमाणे नियुक्ती करण्यात आली आहे.प्रगणकाव्दारे गोळा होणारी माहिती ही शासकीय योजनासाठी महत्वाची ठरणार असल्याने पशुपालकांनी आपल्याकडील जनावराची खरी माहिती प्प्रगणकांनी दयावी असे आवाहन अति.मुख्य कार्यकारी अधिकारी यांनी केले आहे.
