मेहकर येथे जगद्गुरु नरेंद्राचार्य महाराज संस्थानच्या अंधश्रद्धा निर्मूलन उपक्रमांतर्गत अंनत श्री विभूषीत जगद्गुरु रामानंदाचार्य श्री स्वामी नरेंद्राचार्यजी महाराज जगद्गुरु रामानंदाचार्य दक्षिण पीठ नाणीजधाम यांच्या पादुका दर्शन सोहळयाचे आयोजन बुधवार दिनांक 22 जानेवारी 2025 रोजी जिजामाता कन्या शाळेच्या प्रांगनामध्ये बस स्टँडच्या पाठीमागे मेहकर जि. बुलढाणा येथे सकाळी 9 : 00 वाजता आयोजन करण्यात आले असल्याची माहिती पश्चिम विदर्भ पीठ प्रमुख श्री कुंडलिकराव वायभासे साहेब , पीठ व्यवस्थापक श्री सुरेश मोरे साहेब यांनी एका प्रसिध्दी प्रत्रकाद्वारे दिली आहे.
कार्यक्रमाच्या अनुषंगाने संस्थानाच्या वतीने अनेक सामाजिक उपक्रम राबविले जातात जसे की, ग्रामस्वच्छता अभियान, शैक्षणिक उपक्रमांतर्गत इंग्रजी माध्यमांची मोफत शाळा, मोफत वेदपाठ शाळा, रक्तदान शिबिर, वैद्यकीय उपक्रमांतर्गत मोफत दवाखाना, मरणोत्तर देहदान, मोफत रुग्णवाहिका सेवा - महाराष्ट्रात विविध महामार्गावर 53 रुग्णवाहिका 24 तास अखंडपणे अपघातग्रस्तांच्या सेवेत कार्यरत आहेत. तसेच आर्थिकदृष्ट्या दुर्बल घटकांचे पुनर्वसन, महिला सक्षमीकरण अंतर्गत मोफत शिलाई यंत्र वाटप, मोफत घरघंटी वाटप, आपत्कालीन मदत उपक्रम, कायदेविषयक साक्षरता शिबिरे, रक्तदान शिबिर, ब्लड इन नीड आदी आयोजित केली जातात. या कार्यक्रमाच्या अनुषंगाने जगदगुरु नरेंद्राचार्य महाराज संस्थान च्या दुर्बल घटक पुनर्वसन उपक्रमाअंतर्गत मोफत शिलाई मशीन वाटप होणार आहे.
या कार्यक्रमासाठी बुलढाणा जिल्ह्यातील सर्व पदाधिकारी, कार्यकर्ते, भाविक भक्त, साधक, शिष्य, हितचिंतक यांनी दि. 22 जानेवारी 2025 रोजी जगद्गुरु नरेंद्राचार्यजी महाराज यांच्या प्रवचन व दर्शन सोहळ्याचा लाभ घ्यावा. या कार्यक्रमात दिनांक 22 जानेवारी रोजी उपासक दीक्षा कार्यक्रम संपन्न होणार आहे. तरी जास्तीत जास्त भक्तगण यांनी उपासक दीक्षा घेण्यासाठी नोंदणी करावी. या पादुका दर्शन सोहळयासाठी येणाऱ्या भाविकांसाठी कार्यक्रमाच्या दिवशी महाप्रसादाची व्यवस्था करण्यात आली आहे. तरी या महंन्मंगल समयी आपण सर्वांनी सहकुटुंब, सहपरिवार, आप्तइष्ट मित्रांसह उपस्थित राहून परमश्रद्धेय जगद्गुरुश्रींच्या प्रवचन व दर्शनाचा अवश्य लाभ घ्यावा असे आवाहन पीठ इंजिनिअर श्री दिपक चिंचोले दक्षिण बुलढाणा निरीक्षक,सौ लताताई चिंचोले जिल्हासेवाअध्यक्ष. श्री.गणेश खडोळ सर सचिव. श्री.प्रवीण कऱ्हाळे महिला अध्यक्ष सौ आशाताई निंभोरे, बचाटे साहेब ता. अ.,गारोळे साहेब, सौ सनान्सेताई सौ खडोळताई, वाळके मावशी, गारोळे ताई यांनी केले आहे.